“Арсенал” бир сабаб туфайли Нико Уильямс трансферидан воз кечди

Келаси мавсум ҳам Англия Премьер-лигаси чемпионлиги учун курашишни мақсад қилаётган “Арсенал” таркибини “Атлетик” ва Испания терма жамоаси юлдузи Нико Уильямс ёрдамида кучайтиришни мўлжаллаган эди.

Журналист Хари Жейкобнинг маълум қилишича, “канонирлар” юзага келган вазиятдан чиқиб, испан футболчисини олиш режасидан воз кечди. Бунга асосий сабаб қилиб, Нико Уильямснинг маош талаби юқори экани кўрсатилмоқда.

Бундан ташқари, ўйинчининг ўзи мақсади агар “Атлетик”дан кетса, фақат “Барселона”га ўтиш эканини очиқ айтди.

Сўнгги маълумотларга қараганда, Нико Уильямс каталонияликлар билан шахсий шартнома бўйича келишувга эришганю. Унга кўра, ҳужумкор футболчи “Барселона”дан ҳафтасига 350 минг евро миқдорида маош  олади.

Испания чемпионлари Никони қўлга киритиш учун ўйинчининг “Атлетик” билан шартномасидан кўрсатилган 58 миллион евро миқдоридаги бадал пулини тўлаши талаб этилади.