"Арсенал" ҳам янги мавсум либосини намойиш қилди (ФОТО)

Лондоннинг "Арсенал" клуби ўзининг расмий сайтида янги мавсум учун сафар либосларини намойиш қилди.

Либослар сариқ рангда, елкаларида ва енгларида қора чизиқлари бор. Янги экипировканинг ўзига хос хусусияти клуб логотипи ўрнига ундаги асосий элемент ҳисобланган замбаракнинг сурати тушурилганидир.

“Арсенал”нинг техник ҳомийси Adidas компанияси ҳисобланади.

Микель Артета бошчилигидаги жамоа мавсум якунланишига 2 тур қолганида АПЛ мусобақа жадвалида 9-ўринда бормоқда. Улар Европа лигаси ярим финалида “Вильярреал”га имкониятни бой берди ва ЕЧЛ йўлланмасини қўлга киритиш учун сўнгги умидни ҳам йўққа чиқарди.

Фикрлар

Фикр қолдириш учун авторизациядан ўтинг!