«Арсенал» ҳужумчи учун 150 млн евро сарфлашга тайёр
«Арсенал» «Ювентус» ҳужумчиси Кенан Йилдизни 150 миллион евро эвазига сотиб олишни кўриб чиқмоқда, бу клуб тарихидаги энг қиммат трансфер бўлиши мумкин.
Англиянинг «Арсенал» жамоаси «Ювентус» таркибида тўп суриб келаётган 21 ёшли турк ҳужумчиси Кенан Йилдизни сотиб олиш имкониятини кўриб чиқмоқда.
Маълумотларга кўра, ёш форвардга бир қатор етакчи клублар, жумладан мадридлик «Реал» ҳам даъвогар. Шунга қарамай, ҳозирча Кенан Йилдизни қўлга киритиш борасида асосий фаворит сифатида айнан «Арсенал» тилга олинмоқда. Эҳтимолий трансфер қиймати 150 миллион евро атрофида бўлиши мумкин.
Агар лондонликлар бу миқдорга рози бўлса, бу клуб тарихидаги энг қиммат харидга айланади. Ҳозирги рекорд 122 миллион еврога тенг — «Арсенал» 2023 йили шу сумма эвазига «Вест Хэм»дан Деклан Райсни ўз сафига қўшиб олган эди.
Кенан Йилдиз катталар футболидаги бутун фаолиятини «Ювентус»да ўтказиб келмоқда. Жорий мавсумда у туринликлар сафида фақат бир ўйинда майдонга тушишга улгурди, чунки август ойи охиридан буён жароҳат сабабли ўйинлардан четлаб турибди.
Изоҳлар (0)