“Арсенал” Ҳусановдан ўтолмаган юлдуз учун ўз ўйинчисини “қурбон” қилади

“Манчестер Сити” ўз майдонида “Ньюкасл”ни 4:0 ҳисобида мағлубиятга учратган учрашувда “қарғалар”нинг асосий ҳужумчиси Александер Исаак ўзаро курашда Абдуқодир Ҳусановдан ўтолмаган эди.

Шунга қарамай, швед ҳужумчисига гранд клублардан чорлов бўляпти.

“Арсенал” бош мураббийи Микель Артета Исаакни ўз жамоасида кўрмоқчи. Қимматбаҳо футболчини қўлга киритиш учун “канонирлар” ҳозирги таркибдан ҳужумкор ўйинчилардан бирини сотиб юборишга тайёр.

Mirror нашрининг ёзишича, лондонликлар форвард Леандро Троссард ёки қанот ҳужумчиси Габриэл Мартинеллини сотиб юбориш масаласини кўриб чиқмоқда.  

“Арсенал” Англия Премьер лигасининг молиявий қоидаларини бузмаслик учун ўз ўйинчиларидан бири билан хайрлашиши  мажбурий ҳолат ҳисобланади.

Маълумотларга қараганда, Мартинелли ва Троссардга Саудия Араьистони клубларидан жиддий қизиқишлар бўляпти.

25 ёшли Исаакнинг “Ньюкасл” билан шартномаси 2028 йилнинг ярмигача давом этади. Transfermarkt бу тўпурарни 75 миллион еврога баҳолаган бўлса-да, “Ньюкасл” 100 миллион евродан кам бўлмаган маблағ талаб қилиши кутиляпти.