"Арсенал" Жезусни Дэвидга алмаштиришни таклиф қилди, "Ювентус" рад этди

Лондоннинг "Арсенал" клуби "Ювентус"га Габриэл Жезусни Жонатан Дэвидга алмаштириш бўйича таклиф билан чиқди. "Тўпчилар" 25 ёшли канадалик ҳужумчини ўз сафига қўшиб олишдан манфаатдор бўлиб, унинг ўрнига бразилиялик форвардни Туринга юборишга тайёр эканини билдирган.

Бироқ, италияликлар бу таклифни рад этди, деб хабар бермоқда "TuttoJuve". Манбага кўра, лондонликлар ҳужумчисининг жароҳатлар тарихи Италия гранди раҳбариятида жиддий хавотир уйғотган.

Transfermarkt мутахассислари Габриэл Жезуснинг трансфер қийматини 20 миллион евро деб баҳоламоқда. 28 ёшли форвард яқинда тизза боғламаси жароҳатидан кейин сафга қайтган эди.

Жонатан Дэвид эса шу сайт маълумотига кўра 45 миллион евро баҳоланмоқда. Канадалик ҳужумчи ўтган ёзда "Лилль"дан эркин агент сифатида "Ювентус"га кўчиб ўтган.