“Арсенал” Киммих учун гранд жамоа билан курашиши мумкин

"Арсенал" "Бавария" ярим ҳимоячиси Жошуа Киммич учун "Пари Сен-Жермен" билан рақобатлашиши мумкин. "Тhe Mirror" нашрининг хабарига кўра, "канонирлар" уни қўлга киритишга қизиқмоқда. 
 
Хабарингиз бор, немис футболчиси ёзда эркин агентга айланади. Чунки унинг германияликлар билан шартномаси атиги бир неча ой ичида якунланади. Бундеслиганинг гранд жамоаси уни "Альянц Арена"да олиб қолиш учун янги шартнома таклиф қилмоқчи. 
 
Аввалроқ "Бавария" раҳбарияти Киммихнинг ҳафтасига 320 минг фунт стерлинг маошини ошириш талабидан сўнг унга таклиф қилинган янги битимни қайтариб олгани ҳақида хабарлар пайдо бўлганди. Ҳозирги кунда эса Лондоннинг "Арсенал" клуби бу вазиятдан фойдаланган ҳолда, футболчини Англияга олиб келмоқчи. 
 
Шунга қарамай, "Бавария" ҳали ҳам Киммих билан янги келишувга эришишдан умидвор. Бироқ, унга Франциянинг "Пари Сен-Жермен" клуби ҳам қизиқиш билдирмоқда. Шу боис, Микель Артета бошчилигидаги “тўпчилар” 30 ёшли хавбек учун парижликлар билан курашиши талаб этилади. 
 
Маълумот ўрнида, Жошуа жорий мавсум 36 та учрашувда иштирок этиб, 1 та гол ва 10 та голли узатмага муаллифлик қилган.