"Арсенал" кутган жавобини олди

“Лилль” ҳимоячиси Габриэль Магальяэс ўзи учун муваффақиятли ўтган мавсумдан кейин кучли бешлик чемпионатларидаги қатор клублар эътиборини қозонган эди.

Айниқса, бу футболчи учун “Наполи”, “Манчестер Юнайтед” ва “Арсенал” жиддий курашди. Кўпчилик Габриэль келаси мавсумда Чемпионлар лигасида тўп сурадиган Манчестер жамоасини танлашини кутганди. Бироқ, 22 ёшли бразилиялик “Арсенал”ни танлади.

Маълумотларга қараганда, “канонирлар” бу трансфер учун 27 миллион фунт тўлашига тўғри келади. Габриэль жорий мавсумда 22 та учрашувда майдонга тушди.