"Арсенал" Ла Лигадан ҳужумчи сотиб олмоқчи

"Вильярреал" клуби ҳужумчиси Самуэль Чуквуезе мавсумлар оралиғида АПЛга кўчиб ўтиши мумкин.

Marca нашри тарқатган хабарга кўра 19 ёшли нигериялик футболчига премьер-лиганинг бир қанча клублари, асосан "Арсенал" жиддий қизиқиб қолган.

Эслатиб ўтиш лозимки “канонирлар” Чуквуезени 2017 йилда ҳам сотиб олишга уруниб кўришган эди.

Маълумот учун, Чуквуезе жорий мавсум "Вильярреал" сафида жами 29та ўйинда иштирок этди ва ўз ҳисобига 7та гол ҳамда 3та голли узатма ёздириб қўйишга эришди.