"Арсенал" муҳлислари "Ливерпуль"ни кўчирмачиликда айбламоқда

Англия Премьер-лигасининг 18-туридан ўрин олган баҳсда “Ливерпуль” 3:1 ҳисобида “Лестер” устидан ғалаба қозонди.

Учрашув давомида мерсесайдликлар бурчак зарбасидан фойдаланаётганда “Арсенал”нинг кичик ҳийласини қўллади. Ўйинни томоша қилаётган муҳлислар эса стандарт вазиятларда қандайдир таниш бўлган бир нарсани пайқашди. Шу сабабли, тўқнашувдан сўнг ушбу воқеа “тўпчилар”нинг ашаддий муҳлислари томонидан ижтимоий тармоқлар орқали кенг муҳокама қилинди. 
 
Арне Слот шогирдлари худди Артета ўйинчилари каби бурчак тўпларида дарвозабоннинг ортига тўпланиб олиб, тўп етказиб берилгандан сўнг ичкарига кириб боришмоқда. Бу йўл эса рақиб дарвозабонининг тўпга эгалик қилиш фоизини пасайтириб, ҳимоячиларнинг ўз позициясини йўқотишга олиб келади. 
 


Артета бошчилигидаги "Арсенал" эса 2023 йилдан буён бурчак зарбалари орқали 23 марта рақиб дарвозасини ишғол қилишган. Шундай бўлса-да, Европа Чемпионлар Лигаси доирасида "Монако" клуби бу муаммо билан курашишнинг йўлини топган эди. 
 
Маълумот ўрнида, гарчи "Ливерпуль" футболчилари "тулкилар"га қарши такрорлашган бўлсада, "канонирлар" каби самарали фойдалана олишмади.