"Арсенал" ўз майдонида "бўрилар"га имкониятни бой берди

Англия Премьер лигаси 10-тури доирасида "Арсенал" ўз майдонида "Вулверхэмптон"ни қабул қилиб, 1:2 ҳисобида мағлубиятга учради.

Ўйининг 27-дақиқасида Нету меҳмонларни ҳисобда олдинга олиб чиқди. Бироқ 3 дақиқадан сўнг Габриэль ҳисобни тенглаштирди. Биринчи тайм якуниада Даниэль Поденсе жамоасини яна бир маротаба олдинга олиб чиқди. Иккинчи таймда "канонирлар" ҳужумлари сонини оширишди, лекин ҳимоячилар аниқ уйнаб, сўнгги зарба йўллашга имконият беришмади.

АПЛ 10-туридан сўнг "Арсенал" 13 очко билан 14 ўринга тушиб кетди, "Вулверхэмптон" эса очколари сонини 17 тага етказиб олиб, 6-ўринга кўтарилиб олди.