"Арсенал" "Реал" ва "Милан" юлдузларига қизиқиш билдирмоқда

"Арсенал" ҳужумчи Виктор Гёкерешга ишонишда давом этмоқда, шу сабабли яқин келажакда унинг позицияси учун футболчи сотиб олишни режалаштирмаяпти, аммо клуб шведга ҳужумда ёрдам бера оладиган футболчиларни сотиб олмоқчи. Бу ҳақда Caught Offside хабар бермоқда.

Манбага кўра, "канонирлар" "Милан" қанот ҳужумчиси Рафаэль Леау ва "Реал" вингери Родриго Гоэсга қизиқиш билдирмоқда.

Таъкидланишича, Кай Хаверц ва Габриэль Жезус тез-тез жароҳат олаётгани учун "Арсенал" бу ҳужумчиларга эътибор қаратмоқда. Шу билан бирга Габриэль Мартинелли барқарор ўйин кўрсата олмаяпти.