"Арсенал" "Реал"нинг собиқ футболчисини сотиб олишга яқин

Кепа Аррисабалага "Арсенал"га ўтишга яқин турибди. Бу ҳақда "The Athletic" нашри хабар бермоқда.

Манба маълумотларига кўра, "канонирлар" "Челси" дарвозабони трансферини расмийлаштиришга яқин турибди. Аввалроқ, "Арсенал" Кепани Давид Раянинг ўринбосари сифатида кўраётгани маълум бўлганди.

30 ёшли испаниялик футболчининг шартномасида кўрсатилган товон пули 5 миллион фунтни ташкил этади.

Аррисабалага 2024-25 йилги мавсумни "Борнмут"да ижара асосида ўтказди. У АПЛда 31 та ўйинда иштирок этиб, 39 та гол ўтказиб юборган.