"Арсенал" Силвани қўлга киритиш учун Луиздан фойдаланмоқчи
"Арсенал" ПСЖ ва Бразилия терма жамоаси ҳимоячиси Тьяго Силва трансферини амалга ошириш учун Давид Луиздан фойдаланмоқчи.
Олдинроқ, Силва парижликлар таркибини эркин агент сифатида тарк этаётгани хабар қилинган эди.
35 ёшли футболчи хизматларига лондонликлардан ташқари "Эвертон" ва "Фиорентина" клублари ҳам қизиқиш билдирмоқда.
"Арсенал" устози Микель Артета Силва билан алоқага чиқиб улгурди ва у Луиз собиқ жамоадошини Лондонга олиб келишида кўмак беришига умид қилмоқда.
Олдинроқ, Силва Англия Премьер-лигасида тўп суриш учун камроқ маош олишга ҳам розилиги хабар қилинган эди.
Ҳимоячи ПСЖда ўтказган саккиз мавсумли фаолияти давомида етти карра Франция чемпиони, тўрт маротаба Франция кубоги ва беш марта лига кубоги совриндори бўлди.
Фикрлар