"Арсенал" супертўпурарни сўраб мурожаат қилди

«Арсенал» (Лондон) ҳали ҳам «Галатасарай» ҳужумчиси Виктор Осимхенни жамоага қўшиб олиш имкониятини кўриб чиқмоқда.

Маълумотларга кўра, «канонирлар» Туркия Суперлигаси грандига расмий хат юбориб, нигериялик форвард трансферига қизиқиш билдирган. 

Журналист Фуркан Базоглунинг хабар беришича, «Галатасарай» ҳозирча фақат расмий таклифни кутмоқда. Стамбул клуби президенти Дурсун Ўзбек эса ҳужумчини 130 миллион евродан кам миқдорга сотиш нияти йўқ. 

«Арсенал» раҳбарияти бу талабдан хабардор.

Transfermarkt портали Виктор Осимҳеннинг бозор қийматини 75 миллион евро атрофида баҳоламоқда. 27 ёшли футболчининг амалдаги шартномаси 2029 йилгача мўлжалланган.