"Арсенал"ни йирик ҳисобда енгган "Челси" Европа лигаси ғолиби бўлди

Унда Англиянинг "Челси" ва "Арсенал" жамоалари ғолиблик учун  ўзаро кураш олиб боришди. Бокудаги "Олимпийский" стадионида кечган учрашувда "аристократлар" 4:1 ҳисобидаги йирик ғалабани қўлга киритишди. Оливье Жиру, Эден Азар (2 та) ҳамда Педролар томонидан киритилган голларга "тўпчилар" сафида Ивоби бир бор жавоб қайтарди холос.

Шу тариқа "Челси" ўз тарихида иккинчи бор Европа лигаси ғолиби бўлди. "Кўклар" 2013 йилда ҳам Европанинг клублар миқёсидаги иккинчи даражали кубогини қўлга киритган эди. "Арсенал" эса иккинчи бор Европа лигаси (УЕФА кубоги) финалида мағлуб бўлди.