"Арсенал"нинг чемпионлик имконияти кескин ошди — "Opta" 91,01 фоиз баҳоламоқда

Микель Артета жамоаси 24 турдан сўнг 53 очко жамғариб, мусобақа жадвалида биринчи ўринни эгаллаб турибди. "Арсенал" яқин таъқибчиси "Манчестер Сити"дан 6 очко, "Астон Вилла"дан эса 7 очко олдинда бормоқда.

"Opta" суперкомпьютери "тўпчилар"нинг АПЛда чемпион бўлиш имкониятини 91,01 фоиз деб баҳолади. Аввалги турдан кейин бу кўрсаткич 84,44 фоизни ташкил этган эди.

Шу билан бирга, "Манчестер Сити"нинг чемпионлик эҳтимоли 5,49 фоизгача пасайган. "Астон Вилла"нинг имконияти 3,25 фоиз деб кўрсатилмоқда. "Ливерпуль" ва "Челси"нинг чемпионлик эҳтимоли 0,11 фоизни, "Манчестер Юнайтед"ники эса 0,03 фоизни ташкил этади.

"Opta" ҳисоб-китобларига кўра, АПЛнинг қолган жамоаларида биринчи ўрин учун деярли имконият қолмаган.