"Арсенал"нинг сардорлик боғичи нега Зинченкога берилганини биласизми?

"Арсенал" бош мураббийи Микель Артета жамоанинг украиналик ҳимоячиси Александр Зинченко қандай қилиб жамоа сардорига айлангани ҳақида гапирди.

Зинченко Россия ва Украина ўртасидаги кенг кўламли ҳарбий ҳаракатлар бошланганига бир йил тўлгани билан боғлиқ сабаб Украина байроғи рангидаги сардорлик боғичини олди.

Испаниялик мураббийнинг фикрича, бу футболчиларнинг ташаббуси бўлган.

"Мартин Эдегор учрашув арафасида менга мурожаат қилиб, барча футболчилар Зинченкога шу ваколатни беришни хоҳлашларини айтди. Биз Украинага Алекс биз учун қанчалик муҳимлигини кўрсатмоқчи эдик”, — деди Артета.

Эслатиб ўтамиз, "канонирлар" кеча АПЛнинг 25-тури доирасида сафарда "Лестер"ни 1:0 ҳисобида енгди.