Артета: Бунақа ўйинчи яхшиси кучини бошқа жойда кўрсатсин

«Арсенал» жамоасининг бош мураббийи Микель Артета футболчиларнинг мотивациясига оид саволга жавоб берди.

Мураббий бу борада қисқа, лекин аниқ позицияни билдирди. Испаниялик мутахассисга кўра, агар кимдадир руҳий тайёргарлик ёки иштиёқ билан боғлиқ муаммо бўлса, у бундай футболчи учун жамоани ўзгартирган маъқул.

«Мотивация? Ўйлашимча, биринчи кунданоқ бизнинг талабимиз аниқ айтилган. Агар жамоада кимдир бошқача ўйласа, бу ерда қолиши шарт эмас, ўзига бошқа жамоа топиб, кучини ўша ерда кўрсатгани маъқул», – дея Артетанинг сўзларини келтиради Arsenal Radar.

«Арсенал» янги мавсумни Англия премьер-лигасида икки ғалаба билан бошлади. Ўтган мавсумда эса лондонликлар ниҳоят чемпионлик унвонини қўлга киритган эди.