Артета мураббийлик фаолиятидаги навбатдаги совринни қўлга киритди

“Арсенал” бош мураббийи Микель Артета ўз фаолиятидаги яна бир муҳим соврин соҳиби бўлди.

Лондонликлар “Манчестер Сити”нинг 37-турда “Борнмут”ни мағлуб эта олмаганидан кейин АПЛ чемпионлигини муддатидан аввал таъминлади.

Бу Артета учун мураббий сифатидаги тўртинчи соврин бўлди. Испаниялик мутахассис ушбу совринларнинг барчасини “Арсенал” билан қўлга киритган.

У 2019/20 мавсумда Англия кубогида ғолиб чиққан, шунингдек, 2020 ва 2023 йилларда Англия Суперкубогини ҳам ютиб олган эди.

АПЛ чемпионлиги эса Артета учун ҳам мураббий, ҳам футболчи сифатидаги илк чемпионлик бўлди. У ўйинчи сифатида “Арсенал” билан икки марта Англия кубоги ва икки марта Суперкубокда зафар қучган.

Эслатиб ўтамиз, Микель Артета “Арсенал”ни 2019 йил декабридан буён бошқариб келмоқда.