Артета “Ньюкасл”дан учралган мағлубиятни изоҳлади

Хабарингиз бор, кеча Микель Артета бошчилигидаги “Арсенал” Англия Лига кубогининг жавоб учрашувида ҳам “Ньюкасл Юнайтед”га мағлуб бўлди (2:0). Дастлабки тўқнашувда ҳам “тўпчилар” худди шу ҳисобда имкониятни бой берган эди. Ушбу муваффақиятсизликдан сўнг испаниялик мутахассис ўз фикрларини билдириб ўтди. 
 
"Бизда кўп кутилмалар бор эди. Рақибнинг биринчи ҳужуми гол билан якунланди, аммо ҳисобга олинмади. Сўнг бизда иккита имконият бўлди, улардан фойдалана олмадик ва ўйин ҳам ўзгарди. 
 
Биз жисмонан чарчаяпмиз, жуда кўп ўйинларни ўтказдик. Шу билан бирга, эмоционал жиҳатдан ҳам қийин кунлар бўлмоқда. Бу беллашув охиригача ишониб, ижобий натижага эришиладиган ўйин эмас эди. 
 
Буни қабул қилишимиз керак. Биринчи ўйин натижаси туфайли вазифа қийин бўлишини билардик. Аввалига бу оғриқли бўлади, лекин биз олдинга қарашимиз керак” – деди “канонирлар” бош мураббийи. 
 
Эслатиб ўтамиз, “Арсенал” навбатдаги беллашувини Англия Премьер-лигаси доирасида 15 февраль куни “Лестер Сити”га қарши ўтказади.