Артета: "Сўнгги йилларда устунлик қилувчи жамоа бир неча марта ўзгарди"

Якшанба куни АПЛнинг 12-туридан ўрин олган учрашувда "Арсенал" "Тоттенхэм"ни қабул қилади. Ушбу учрашув олдидан "канонирлар" бош мураббийи Микель Артета шимолий Лондон дербисини нима учун махсус деб ҳисоблаганини маълум қилди.

"Бу ўйин бошқача. Лондон катта шаҳар ва биз ундаги муайян ҳудуд учун курашамиз. Улар ҳам худди шуни исташади. Ўтган йиллар мобайнида доминант жамоа бир неча марта ўзгарган.

Бу алоҳида ҳис, айниқса ўз мухлисларимиз олдида, уйимизда ўйин олиб борганда. Улар қандай энергия олиб келади, жамоа ҳар ҳаракатга қандай ҳаракат қўшади – ҳаммаси маълум.

Бундай учрашувда ўйнаш биз учун улкан шараф, шунинг учун якшанба кунини интизорлик билан кутиб оляпмиз", – дея таъриф бериб ўтди "канонирлар" бош мураббийи.