Асенсионга ишонч билдирилади

Мадриднинг “Реал” клуби ярим ҳимоячиси Марко Асенсио бугун янги мавсум доирасида илк бор асосий таркибда майдонга тушади. Испаниялик футболчи Чемпионлар лигаси гуруҳ босқичининг 4-туридан ўрин олган Донецкнинг "Шахтёр"ига қарши ўйинни дастлабки дақиқалардан бошлайди. Бу ҳақда "Marca" нашри хабар берди.

Манбага кўра, "Хетафе"га қарши Ла Лиганинг сўнгги турини ўтказиб юборган Тони Кроос, Лука Модрич, Родриго, Эдуардо Камавинга ва Карим Бензема каби футболчилар ҳам беллашувни асосий таркибда бошлайди.

Эслатиб ўтамиз, Асенсионинг "қироллик клуби" билан шартномаси ёзда тугайди. Аввалроқ матбуотда уни "Барселона"га ўтиши мумкинлиги ҳақида хабарлар тарқалган эди.