«Астон Вилла» Линделёф билан шартномани узайтирмоқчи

«Астон Вилла» швециялик ҳимоячи Виктор Линделёф билан шартномани камида бир йилга узайтиришга қарор қилди. Бу ҳақда Sportbladet нашри Англиянинг бир нечта мустақил манбаларига таяниб хабар берди.

32 ёшли футболчининг амалдаги шартномаси келаси ёзда якунига етади. Нашр маълумотларига кўра, томонлар яқин вақт ичида янги келишувга эришиши кутилмоқда. Бироқ бу ҳақдаги расмий эълон бироз кечикиши мумкин.

Линделёф бир йилдан сал кўпроқ вақт олдин «Манчестер Юнайтед»даги саккиз мавсумдан кейин «Астон Вилла»га ўтган эди. У ўтган мавсумда жамоа билан Европа лигасида ғолиб чиқди.

Ҳимоячининг муваффақиятли ўйинлари жорий мавсумда ҳам давом этмоқда. У АПЛдаги «Астон Вилла»нинг саккизта учрашувини ҳам асосий таркибда бошлади.

Transfermarkt портали Линделёфнинг трансфер қийматини 5 миллион евро деб баҳоламоқда. Шартнома узайтирилса, швециялик футболчи клубда камида 2028 йилнинг ёзига қадар қолади.