"Астон Вилла" МЮ собиқ футболчисини ўз сафига қўшиб олди

Бирмингемнинг "Астон Вилла" клуби ўзининг расмий сайтида "Манчестер Юнайтед"нинг собиқ ҳимоячиси Виктор Линделёф билан шартнома имзолаганини эълон қилди.

Линделёф 2017 йилдан 2025 йилнинг ёзигача "қизил иблислар" сафида ўйнаган. Бу вақт ичида швед барча турнирларда 284 та ўйинда майдонга тушиб, тўртта гол ва еттита голли узатмани амалга оширди. Трансфермаркт порталида келтирилган маълумотларга кўра, футболчининг бозор нархи 8 млн еврони ташкил этади.

Швеция терма жамоаси сафида футболчи 71 та ўйинда майдонга тушиб, 3 та гол урган. Шунингдек, ҳимоячи Португалиянинг "Бенфика" жамоасида ҳам ўйнаган.