"Астон Вилла" очко йўқотди, "Манчестер Юнайтед" яқинлашди

Шанба оқшомида "Астон Вилла" сафарда "Борнмут" билан 1:1 ҳисобида дуранг ўйнади ва ғалабани сақлаб қола олмади.

Шу тариқа, Унаи Эмери жамоаси 47 очко билан учинчи ўринда қолмоқда. Қизиғи шундаки, шу куни "Тоттенхэм"ни 2:0 ҳисобида мағлуб этган "Манчестер Юнайтед" бирмингемликларга уч очколик фарққача яқинлашди. Манкунианликлар ҳисобида 44 очко бор.

"Манчестер Сити"да ҳам 47 очко мавжуд, бироқ "шаҳарликлар" 8 февраль, якшанба куни ўз очколарини кўпайтириш имконига эга. Хосеп Гвардиола шогирдлари олтинчи ўриндаги "Ливерпуль"га қарши майдонга тушади.

Айни пайтда АПЛ пешқадами — 56 очко билан "Арсенал".