“Астон Вилла”га яқинда келган Рэшфорд бошқа лигадан жамоа танлади

“Манчестер Юнайтед”ни португалиялик мутахассис Рубен Аморим қабул қилиб олганидан кейин жамоани тарк этишга мажбур бўлган Маркус Рэшфорд Англия Премьер-лигасининг бошқа клубидан қўним топган эди.

Манчестерлик ҳужумчини “Астон Вилла” ёзгача ижарага олди.

Аслида Маркус фақат “Барселона”га ўтишни мақсад қилган эди. Бироқ молиявий қийинчиликлар каталонияликларга бу трансферни амалга ошириш имконини бермади.

The Sun нашрининг ёзишича, Рэшфорд Каталонияга кўчиб ўтиш фикридан қайтмаган.

- Маркус агар “Астон Вилла”да юқори спорт формасини тиклаб олиб, голлар ура бошласа, “Барселона” унга бўлган муносабатини қайта тиклашига ишончи комил.  Бу ҳужумчи учун катта стимул, “Астон Вилла”га фойда бўлади. Чунки бу ҳужумчи имкон қадар кўпроқ гол уришга ҳаракат қила бошлайди, - деб ёзди The Sun нашри.