"Атлетик Бильбао" Вальверде билан янги шартнома имзолаганини эълон қилди

Бильбаонинг "Атлетик" клуби расмий сайти орқали жамоа бош мураббийи Эрнесто Вальверде билан шартномани узайтирганини эълон қилди. 

61 ёшли мутахассис 2026 йилнинг ўртасигача мўлжалланган янги шартномани имзолади. Илгари амал қилган шартнома жорий йилнинг июнь ойи охирида тугаши керак эди.

Эслатиб ўтамиз, "Атлетик" Ла Лигани тўртинчи ўринда якунлаб, Чемпионлар лигасининг умумий босқичига йўлланма олди. 

Вальверде 2022 йил июль ойидан буён "Атлетик"ни бошқариб келмоқда. У аввал ҳам икки марта басклар клубида ҳам иш олиб борган эди — 2003–2005 ва 2013–2017 йилларда.

Маълумот ўрнида, Ла Лиганинг сўнгги турида "Атлетик" ўз майдонида "Барселона"ни қабул қилади.