“Атлетико” билан зиддиятга борган Альварес кутилмаган қарорга келди

Мадриднинг “Атлетико” клуби ҳужумчиси Хулиан Альварес жамоада қолишга қарор қилди, деб хабар берди журналист ва инсайдер Белен Санчес Гарсия X ижтимоий тармоғида.

Манбага кўра, аргентиналик ҳужумчи “Арсенал”нинг таклифини рад этган, шунингдек, бошқа бир қатор клубларнинг таклифларига ҳам рози бўлмаган.

Аввалроқ Альварес “Атлетико” раҳбариятидан ўзини “Барселона”га қўйиб юборишни сўрагани хабар қилинган эди. Бироқ мадридликлар каталонияликлар билан музокара олиб боришдан бош тортган.

Ўтган мавсумда Альварес “Атлетико” таркибида 49 та ўйинда 20 та гол урган ва 9 та голли узатма берган.

Аввалроқ аргентиналик футболчи жорий ёзда “Атлетико”ни тарк эта олмаслигини қабул қилгани ва жамоанинг бошқа аъзолари билан бирга машғулотларга қайтгани ҳақида хабарлар тарқалган эди.