Ла Лига 4-туридан ўрин олган "Уэска" - "Атлетико" баҳсида нурсиз дуранг қайд этилди.

Учрашув давомида катта устунлик қилган мадридликлар кўплаб хавфли вазиятлар яратганига қарамай, дарвозага йўл топа олишмади.

Ушбу натижадан сўнг "Атлетико" онлайн турнир жадвалида 8-ўринни эгаллаб турибди. "Уэска" эса 16-поғонада жойлашган.

Уэска

    Примера Дивизион 4-тур

    30/09/2020, 23:00

    0
    :
    0
    Тугади

    Атлетико Мадрид

      Стадион: Estadio El Alcoraz 0 томошабин

      Бош ҳакам: Adrian Cordero

      45'
      90'

      • 90+4'

        Учрашув якунланди. Матнли трансляция Жавоҳир Азимов томонидан олиб борилди.

      • 90+2'

        Хавьер Онтиверос ўйиндан ташқари ҳолатда қолиб кетди.

      • 90'

        Асосий вақтга 4 дақиқа қўшиб берилди.

      • 89'

        Фелишнинг жуда хавфли зарбасини дарвозабон қайтарди.

      • 87'

        Фелишнинг навбатдаги зарбасини ҳимоячилар бартараф этди.

      • 85'

        Мадридликларга гол кўпроқ керакдек кўринмоқда. Улар ҳужумда фаол ўйин кўрсатмоқда.

      • 82'

        Микель Рико ҳамда Геррейро майдондан олинди. Уларнинг ўрнига Карлос Реал ва Гомес Мартин ўйинга қўшилди.

      • 80'

        Хави Галан огоҳлантирилди.

      • 78'

        Фелипе бурчакдан оширилган тўпни боши билан йўллади. Тўп баланддан ўтиб кетди.

      • 77'

        Ўйин темпи бироз пасайди. Амалга оширилган ўзгаришлар ўз таъсирини кўрсатмай қолмади.

      • 75'

        Тажрибали Коке ўйинга қўшилди. У Сауль ўрнида ҳаракат қилади.

      • 74'

        Мезбонлар киперига тиббий ёрдам керак. Коста унга жароҳат етказди.

      • 72'

        Педро Лопез захирага олинди. Унинг ўрнида энди Гастон Сильва ҳаракат қилади.

      • 71'

        Ҳозиргина майдонга тушган Хавьер Онтиверос зарба берди. Бироқ тўп у кутган траекторияда кетмади.

      • 69'

        Борха Гарсия ва Оказаки ўйинни тарк этди. Уларнинг ўрнига қолган вақт мобайнида Хавьер Онтиверос ҳамда Мир Висенте ҳаракат қилади.

      • 68'

        Педро Лопезга нисбатан Коста қўпол ўйнади.

      • 66'

        Икки рақибини чалғитиб, кучли зарба берган Фелишнинг уриниши бироқ ноаниқ бўлди. Ёш вундеркинд бугун ажойиб ўйин кўрсатмоқда.

      • 64'

        Хаймега жавобан Сауль ҳам узоқ масофадан ўз омадини синаб кўрди. Аммо у ҳам мўлжалда адашди.

      • 63'

        Хайме бу сафар узоқ масофадан зарба берди. Бироқ бу уриниш ҳам муваффақиятсиз якунланди.

      • 61'

        Льоренте ҳамда Суарес захирага олинди. Уларнинг ўрнига Диего Коста ва Карраско ўйинга қўшилди.

      • 59'

        Бирга-бир вазиятга чиққан Суарес дарвозабонни алдади ва зарба берди. Бироқ посбон бор кучи билан тўп йўлини туса олди.

      • 57'

        Мезбонлар мураббийи шогирдларини иккинчи таймга язши тайёрлагани кўриниб турибди. Улар ҳам ҳужумлар уюштиришни бошлади.

      • 55'

        "Уэска" футболчилари ўйиндаги дастлабки аниқ зарбани йўллади. Марказга оширилган тўпни Хайме боши билан дарвозага йўллади. Облак ўз ўрнида!

      • 52'

        Триппьернинг жарима майдонига узатган тўпини дарвозабон муштлари билан уриб юборди.

      • 49'

        Льорентенинг узоқ масофадан йўллаган зарбаси бироз юқоридан ўтиб кетди.

      • 48'

        Иккинчи бўлимни ҳам "матрасчилар" фаол бошлади.

      • 46'

        Танаффус!

      • 46'

        Бўлимлар оралиғида Анхель Корреа майдонга тушди. У Витолони алмаштирди.

      • 46'

        Футболчилар майдонга қайтди. Биз ҳам қайтамиз!

      • 45'

        Биринчи бўлимга вақт қўшиб берилмади. Танаффус!

      • 44'

        Тайм сўнгини фаол ўтказган мезбонлар жарима майдони ичидан зарба йўллашни уддалади. Бироқ тўп жуда баланддан ўтиб кетди.

      • 43'

        Бурчакдан етказилган тўпни "Атлетико" футболчилари қайтариб юборишди.

      • 40'

        Витоло ўйиндан ташқари ҳолатда қолиб кетди.

      • 39'

        Футболчилар асабларини босволиши зарур. Ҳакам кимгадир огоҳлантириш бериши мумкин.

      • 36'

        "Уэска"нинг тезкор қарши ҳужумини Фелипе бартараф этди.

      • 34'

        Мезбонларнинг навбатдаги ҳужуми ҳам муваффақиятсиз якунланди. Марказга оширилган тўпни Облак эгаллаб олди.

      • 31'

        "Уэска"нинг камсонли ҳужумларидан бу сафаргиси бесамар якунланди.

      • 28'

        Ўйин темпи юқори эмас. Курашлар, асосан, марказда кечмоқда.

      • 25'

        Фелишнинг зарбаси ноаниқ кетди.

      • 24'

        Жарима майдони яқинида Саулга нисбатан қоида бузилди. Меҳмонларда яхши стандарт юзага келди.

      • 22'

        "Атлетико" марказда тўп назоратини қўлга олди. Симеоне шогирдлари жарима майдонига ёриб киришга шошилмаяпти.

      • 19'

        Бурчакдан оширилган тўпга зарба берган Хайменинг уриниши тўсин юқорисидан ўтиб кетди.

      • 18'

        Оказакига узатилган тўп ҳимоячилар томонидан қайтарилди.

      • 16'

        Симеоне шогирдлари эрта прессинг уюштирмоқда. "Уэска" ҳимоячида бироз саросима кузатилишни бошлади.

      • 13'

        Лодининг марказга узатган тўпини дарвозабон ушлаб олди.

      • 11'

        Меҳмонлар рақиб ҳужумларини марказдаёқ тўхтатмоқда.

      • 8'

        Мадридликлар ҳозирча фаолроқ кўринмоқда.

      • 5'

        Мезбонларнинг қарши ҳужуми хавфли тус олишни бошлаган эди. Бироқ Борха Гарсия шеригини тўп билан таъминлай олмади.

      • 3'

        Илк дақиқалардан жамоалар биттидан ҳужум алмашиб олишди. Бироқ ҳар иккала вазият ҳам зарбагача етиб бормади.

      • 1'

        Учрашув бошланди!

      • 0'

        Ўйин бошланиш арафасида. Футболчилар майдонга тушиб келмоқда.

      • 0'

        Ассалому алайкум, ҳурматли футбол ихлосмандлари!

        Бугунги матнли трансляцияни Жавоҳир Азимов олиб боради.

      Матнда хатолик топсангиз, ўша хатони белгилаб, бизга жўнатинг (Ctrl + Enter)

      Минбар

      Барча блоглар