"Атлетико" футболчиси эртага "Зенит"да тиббий кўрикдан ўтади

Мадриднинг "Атлетико" клуби хавбеки Матиас Краневиттер фаолиятини Санкт-Петербургнинг "Зенит" клубида давом эттирадиган бўлди.

Берилган маълумотларга кўра 24 ёшли футболчи эртага тиббий кўрикдан ўтиш учун Россияга келади. Эътиборлиси, агар Краневиттер питерликлар билан шартнома имзоласа, у ҳолда у жорий трансферлар даврида "Зенит" сотиб олган 4-аргентиналик футболчи бўлади.

Эслатиб ўтамиз, Питер клуби бундан аввал  ярим ҳимоячи Леандро Паредес, ҳужумчи Себастьян Дриусси ва ҳимоячи Эмануэль Мамманаларни ўз сафига қўшиб олган эди.