“Атлетико” голини “Реал”нинг қайси юлдузи бекор қилдиргани маълум бўлди

Европа Чемпионлар лигасининг нимчорак финалида Мадриднинг икки клуби – “Реал” ва “Атлетико” ўзаро тўқнаш келган эди.

Ҳар икки жамоа ўз майдонидаги учрашувда ғалаба қозонгани боис, ғолиб номи пенальтилар сериясида аниқланди.

“Атлетико” мухлислари кўз ўнгида ғалати воқеа содир бўлди. Аргентиналик ҳудумчи Хулиан Альварес пенальтилар сериясида гол уради. Бироқ рақиб футболчиси Килиан Мбаппе “тўпга икки марта тегди”, деб бақиради ва ҳакамга мурожаат қилади.

Бу ҳолатдан кейин бош ҳакам Шимон Марциняк VAR ҳакамлари ёрдамида вазиятнинг видеотакрорини кўради ва Альвареснинг голини бекор қилади.

Пенальтилар сериясида 4:2 ҳисобида устунлик қилган “Реал” футболчилари кейинги босқичда “Арсенал” билан куч синашадиган бўлди.