"Atletiko" o‘z tarixidagi eng qimmat futbolchini PSJga sotmoqchi. Sababi...

Madridning "Atletiko" klubi hujumchisi Joau Feliks PSJga o‘tish arafasida turibdi, deb xabar bermoqda jurnalist Shey Lugassi o‘zining tvitter sahifasida.

Manbaga ko‘ra, ispan grandining o‘zi parijliklar rahbariyatiga borib, portugaliyalik futbolchini sotib olishni taklif qilgan. Sababi, “matraschilar” rahbariyati ushbu futbolchining o‘yinidan qoniqish xosil qilmayapti va shuning uchun uni sotmoqchi.

22 yoshli Feliks o‘tgan mavsum "Atletiko" safida barcha turnirlarda jami 34 ta o‘yinda maydonga tushib, 10 ta gol urdi va 6 ta golga assistentlik qildi. Uning klub bilan shartnomasi 2026 yilning yoziga qadar mo‘ljallangan.

Ma’lumot uchun, "Atletiko" Feliksni 2019 yil "Benfika"dan 126 mln evroga sotib olgan. U Madrid klubi tarixidagi eng qimmat transfer hisoblanadi.