"Атлетико" "Реал" футболчисини харид қилмоқчи

Мадриднинг "Атлетико"си "Реал" форварди Лука Йовични ёзги трансферлар ойнаси вақтида харид қилишни режалаштирмоқда.

Жорий мавсумда сербиялик футболчи "қаймоқрангликлар" сафида ўзини кўрсата олмаяпти, шу сабаб 22 ёшли футболчининг янги мавсумда "Реал" таркибидаги келажаги сўроқ остида қолмоқда. Ўз навбатида "матрасчилар" Йович учун етарли ўйин амалиёти ваъда қилишлари мумкин.

Жорий мавсумда форвард "Реал" либосида Испания чемпионати доирасида 15 та ўйинда майдонга тушиб, 2 маротаба рақиб дарвозасини ишғол қилган.