"Атлетико" ёзда Гризманнинг трансферини тўлиқ сотиб оладими?

Италиялик инсайдер Маттео Мореттонинг сўзларига кўра, “Атлетико” клуби ёзда “Барселона”дан франциялик ҳужумчи Антуан Гризманни сотиб олмаслиги мумкин.

Манбага кўра, сотиб олиш варианти фақат кейинги ёзда ва Гризманн 2022/23 йилги мавсумда ўзи учун мавжуд бўлган ўйинларнинг 50% дан кўпроғини ўйнаган тақдирдагина амалга оширилади.

Ушбу мавсумда унинг 50% дан кўпроғи ўйнаганлиги сабабли, француз футболчисининг  ижараси автоматик равишда яна бир йилга узайтирилди.

Эслатиб ўтамиз, “Атлетико” Гризманни 40 миллион еврога сотиб олиши мумкин.