Авcтралия бош мураббийи Ўзбекистонга қарши ўйин олдидан нималар деди?

У-23 Осиё чемпионати 3-ўрин учун учрашувида Австралия ҳамда Ўзбекистон олимпия терма жамоалари ўзаро баҳс олиб боришади.

Fвстралияликлар устози Граҳам Арнолд ўйиндан олдинги матбуот анжуманида ўз фикрларини билан ўртоқлашди. Бу ҳақда ЎФА матбуот хизмати хабар берди.

- Йигитлар чорак финал ҳамда Жанубий Кореяга қарши кечган ярим финал ўйинидан кейин тикланиб улгуришди. Жамоамиз ҳам руҳан, ҳам жисмонан яхши ҳолатда, дея оламан. Биз олдиндаги ўйинни интиқиб кутяпмиз. Мусобақанинг ушбу босқичида кучсиз жамоа қолмаган. Ўзбекистон – жуда кучли рақиб.

Биз яна биттагина ўйинни яхши даражада ўтказишимиз керак. Шунинг ўзи ҳам Олимпиада чиқиш учун етарли бўлади.

Биз ўйинга 2 хил услубда тайёрландик. Тўп бизда бўлган ҳолатлар учун ва яна тўпсиз вазиятларда қандай ҳаракатланиш бўйича ҳозирлик кўрдик. Ўзбекистоннинг кучли томонларини ёпиб, кучсиз жиҳатларидан унумли фойдаланишга уринамиз.

Мен шу ёшдаги йигитлар билан ҳам ишлашга розилик бердим. Сабаби уларни миллий терма жамоага тайёрлаб бормоқчиман. Биз – мураббийлар штаби йигитларнинг Олимпиадада ҳам қатнашишини истаяпмиз. Зеро ушбу мусобақа – муҳимлиги жиҳатидан Жаҳон чемпионати даражасида, менимча, - деди мураббий.