Авлиёхон Ҳамидов "Muradov_professional_Liga" билан шартнома имзолади

Маълумки, 27 февраль куни Маҳмуд Мурадов асос солган "Muradov_professional_Liga"нинг учинчи турнири ташкил этилади. 

Ушбу жанг кечасининг "файт-кард"идан бир қатор таниқли ММА вакилларимизнинг жанги ўрин олган. Қизиғи ушбу кечада куни кеча Октагон ҳамда U1 промоушени ҳамкорликда ўтказган жанг кечасида жанг қилганди ва кутилмаганда имкониятни бой бериб қўйган юртимизнинг кўзга кўринган ММА жангчиси Авлиёхон Ҳамидов ҳам жанг қиладиган бўлди.

У "Muradov_professional_Liga" билан шартнома имзолади. Биз ушбу воқейлик муносабати билан Авлиёхон билан боғландик ва унинг фикрларига қулоқ тутдик.

- Ҳа, ушбу промоушен билан шартнома имзоладим. Энди кетма-кет жанг ўтказавераман. Яъни, ҳар ойда октагонга кўтариламан. 27 февраль куни жанг қилишим аниқ. Бироқ, рақиб ким бўлиши ҳақида аниқ фикр билдира олмайман.