"Аякс" - 35 карра Нидерландия чемпиони!

Нидерландия Эредивизиясида янги чемпион номи маълум бўлиб улгурди. 31-тур доирасида "Эммен"ни ўз уйида қабул қилган "Аякс" рақибини 4:0 ҳисобида мағлуб этди. 

Тур доирасида энг яқин таъқибчи ҳисобланган ПСВнинг ҳам очко йўқотиши оқибатида, амстердамликлар билан орадаги фарқ етиб бўлмас ҳолатга келиб қолди. 

Шу тариқа, "Аякс" Нидерландиянинг 35 карра чемпионига айланди. Сўнгги 10 йил давомида пойтахт клуби 5 маротаба миллий лига ғолиблигига эришди. 

Бу борадаги энг яқин таъқибчи ҳам ПСВ Эйндҳовен саналади. Уларда 24 та чемпионлик мавжуд.