"Аякс" де Лигтнинг ўрнига сотиб олган футболчисини оммага таништирди

Амстердамнинг "Аякс" клуби Мексика терма жамоаси марказий ҳимоячиси Эдсон Альваресни расман ўз футболчиси сифатида оммага таништирди.

Клуб расмий сайти тарқатган хабарга кўра 21 ёшли футболчининг трансфери Голландия чемпионига 15 млн еврога тушган. Томонлар эса 2024 йилга қадар шартнома имзолашган.

Таъкидлаш лозимки, Альварес "Аякс"да яқиндагина  "Ювентус"га кўчиб ўтган Маттейс де Лигтнинг ўрнини эгаллайди.

Маълумот учун, Альварес 2016 йилдан буён Мексиканинг “Америка” клуби сафида тўп суриб келаётган эди.