“Аякс” юлдузини трансферга тайёрлаяпти

Истеъдодли футболчиларни тарбиялаш ва уларни кучли клубларга трансфер қилиши билан ном қозонган “Аякс” ёзда ҳам бир неча футболчисини сотиб юбориб, даромад олишни кўзламоқда.

Амстердамликлар биринчи навбатда, анчадан бери гранд клублар оғиз солаётган ҳимоячи  Николас Тальяфикони трансфер қилишга тайёрланмоқда.

Тальяфикога харидорлар орасида “Манчестер Сити”, “Манчестер Юнайтед”, “Интер” ва “Ювентус” каби қудратли клублар бор.

Николаснинг нидерландияликлар билан амалдаги шартномаси 2023 йилнинг ёзигача имзоланган. Тransfermarkt портали бу ўйинчини 18 миллион фунтга баҳолаганига қарамай, “Аякс” раҳбарияти 28 ёшли аргентиналик футболчини 13 миллион фунтга сотиб юборишга рози.