"Айнтрахт" Коло-Муанининг нархини ошкор қилди. Унга 3 та гранд клуб қизиқмоқда

Коло-Муани 100 миллион евро эвазига "Айнтрахт"ни тарк этиши мумкин. 

"L'Équipe" нашри берган хабарга кўра, 24 ёшли ҳужумчига "Бавария", "Ливерпуль" ва "Манчестер Юнайтед" клублари қизиқиш билдирмоқда. 

Дастлаб, "Айнтрахт" ҳужумчи учун 80 миллион евро олишни мақсад қилганди, аммо французнинг муваффақиятли ўйинлари фонида унинг нархи 100 миллион еврогача кўтарилди. 

Қайд этилишича, агар клуб Чемпионлар лигасига чиқа олмаса, Муани ёзда "Айнтрахт"ни тарк этиши кутиляпти. 

Ҳужумчи жорий мавсум немис клуби таркибида барча турнирлар доирасида 27 та учрашувда майдонга тушиб, 12 та гол ҳамда 11 та ассистни ўз ҳисобига ёздириб қўйди.