Azar "Real"da 2 ta raqamdan birini tanlashi mumkin. Ular qaysi raqamlar?

Mavsumlar oralig‘ida "Real" Madridga kelib qo‘shilgan vinger Eden Azar hali ham o‘zi uchun raqam tanlamadi.

AS nashri tarqatgan xabarga ko‘ra belgiyalik futbolchi katta ehtimol bilan ayni damda Mariano Diasga tegishli bo‘lgan 7-raqani oladi. Ta’kidlash kerakki ushbu raqamda “qirollik klubi”da Emilio Butrageno, Raul va Krishtianu Ronaldu kabi mashhur to‘purarlar harakat qilishgan.

Bundan tashqari agar Garet Beyl jamoadan ketadigan bo‘lsa, Azarda 11-raqamni olish imkoniyati ham paydo bo‘ladi.

Eslatib o‘tamiz, Azar bundan avval “Chelsi”dagi faoliyati davomida 10-raqamda to‘p surgan. Biroq, Luka Modrich “Real”da ushbu raqamni bermoqchi emas.