Азар "Реал"да 50-рақамда дебют қилди. У бутун мавсумни шу рақамда ўтказмоқчими?

Мавсумлар оралиғида “Челси”дан “Реал”га кўчиб ўтган вингер Эден Азар бугун  “Бавария”га қарши бўлиб ўтган учрашувда ўзининг дебют учрашувини ўтказди.

Эътиборлиси, бельгиялик футболчи ушбу баҳсда кутилмаганда 50-рақамли либосда ҳаракат қилди. Гап шундаки, бунгача у “Реал”да 7- ёки 23-рақамни танлаши ҳақида хабарлар тарқалган эди.

Берилган маълумотларга қараганда Азар янги мавсумни 50-рақамда ўтказмайди, у шунчаки АҚШлик астронафтларнинг Ойга қўнганига 50 йил тўлганига бағишлаб шу рақамда ўйнашни танлаган.

Эслатиб ўтамиз, “Реал” Азарни “Челси”дан 100 млн евро эвазига сотиб олди. Бироқ, бу маблағ келажакда бериладиган бонуслар ҳисобига яна 45 млн еврога ортиши мумкин. Азар мадридликлар билан 2024 йилга қадар шартнома имзолади.