Азар: Зидан туфайли футболга қизиққанман

"Реал" Мадрид клубига кўчиб ўтган бельгиялик вингер Эден Азар янги устози Зинедин Зидан ҳақида гапириб ўтди.

“Мен Зидан туфайли футболни ёқтириб қолганман. Бельгияда яшаган пайтларим, айнан уни деб Франция терма жамоасига мухлислик қилардим. У билан боғлиқ хотираларим унинг “Байер” дарвозасига урган голи билан боғлиқ. Энди эса мен унинг қўл остида ўйнайман ва бу менга ўзгача ҳиссиётларни беради”, - дейди Азар.

Таъкидлаш керакки, Азар юқоридаги интервьюсида Зиданнинг 2001/2002 йилги мавсум ЕЧЛ финалида “Байер” дарвозасига киритган голини назарда тутган. Қайд этиш лозимки, ушбу гол The Guardian нашри томонидан мусобақа тарихидаги энг чиройли гол деб топилган.