Azim Ahmedov "Turon"dan ketish arafasida

Tajribali futbolchilardan biri, joriy yilgi mavsum avvalida “Turon” safiga qo‘shilgan Azim Ahmedov aftidan jamoasini o‘zgartiradigan ko‘rinadi.

Boisi, Sports.uz saytiga ma’lum bo‘lishicha, futbolchiga boshqa jamoalardan takliflar bor. To‘g‘ri, Azim hali rasman “Turon”ni tark etgani yo‘q, biroq voqealar rivoji shunga qarab ketyapti va katta ehtimol bilan u ikkinchi davrani boshqa klubda davom ettiradi.

Eslatib o‘tamiz, bungacha “Turon” klubini homiysiz qolayotgani haqida ma’lumotlar tarqaldi. Bugun shu masala bo‘yicha klubda majlis bo‘lib o‘tishi haqida xabar berib o‘tgandik.

"Turon" inqiroz yoqasidami yoxud ertaga klub taqdiri hal bo‘ladi