БAA чемпионати. "Банияс" Шукуров ўйнаган баҳсда имкониятни бой берди

БAA чемпионатининг 21-туридан ўрин олган учрашувда "Хор Факкан" ўз майдонида "Банияс"ни қабул қилди ва 2:1 ҳисобида ғалаба қозонди.

Дастлаб, 55-дақиқада мезбонлар футболчиси Тарик Тиссуудали ҳисобни очди. Орадан кўп ўтмай, 60-дақиқада Айлтон Боа Морте устунликни янада оширди.

65-дақиқада эса Алҳассан Корома ҳисобни қисқартиришга муваффақ бўлди — 2:1.

Маълумот учун, ушбу баҳсда меҳмонлар сафида Oтабек Шукуров асосий таркибда майдонга тушиб, 66-дақиқада захирага олинди.