БАА. Чемпионлик ортга сурилди, Шукуровнинг жамоаси аутсайдер билан дуранг ўйнади

Ҳамюртимиз Отабек Шукуров фаолият олиб борадиган "Шаржа" бу тур ўз майдонида турнир жадвалида сўнгги ўринда бораётган "Дибба Ал Фужайра"ни қабул қилди ва 2:2 ҳисобида дуранг ўйнади.

Шу тариқа чемпионат якунлашига 3 тур қолганида чемпионлик учун кураш янада қизиди. "Шаржа" 53 очко билан пешқадам бўлиб турган бўлса, 47 очкоси бор "Ал Аҳли" 2-поғонани эгаллаб турибди.

Эслатиб ўтамиз, Отабек Шукуров China Cup турнирида Хитой терма жамоасига қарши баҳсда жароҳат олган эди ва ҳозирда ана шу жароҳатини даволатмоқда.

БАА Про-лигаси. 23-тур

"Шаржа" - "Дибба Ал Фужайра" 2:2.