БАА ҳам худди Ўзбекистон каби форслардан озор чекиб келади
Жаҳон Чемпионати саралаши Осиё минтақаси 2-туридан ўрин олган баҳслар старт олиш арафасида. БАА - Эрон терма жамоалари ўртасидаги ўйин эртага 21:00'да старт олади.
Таъкидлаш керак, ушбу термалар ўртасидаги қарама-қаршиликларда устунлик яққол форслар томонида. Улар жами 19 бора тўқнаш келган бўлса, шуларнинг 15 тасида Эроннинг қўли баланд келган. Битта беллашувда БАА устун келган бўлса, яна 3 беллашувда томонлар муроса кўчасини танлаган.
Қизиқарли томони, Эрон билан беллашувларда Ўзбекистон ҳам худди БАА каби бир маротаба зафар қучиб, 3 бора дурангга имзо чеккан. Фақатгина бизда мағлубиятлар сони 9 тани ташкил этади.
Эслатиб ўтамиз, Ўзбекистон терма жамоаси ЖЧ саралаши 3-босқичи доирасида 10 октябрь куни Эрон, 15 октябрь куни эса Бирлашган Араб Амирликларига қарши майдонга чиқади.
Фикрлар