Баҳодир Жалолов "Странжа" турнирида иккинчи жангини ўтказди

Оғир вазн тоифасидаги боксчимиз Баҳодир Жалолов Болгариядаги “Странжа” турниридаги иштирокини бошлаган эди.

У кеча илк жангини Франция вакили Мурад Алиевга қарши ўтказиб, тўлиқ  устунлик билан ғалабага эришган эди. Бугун, у иккинчи жангида рингга кўтарилди. Бу сафар юртдошимизга туркиялик Берат Ачар рақиблик қилди. Мазкур тўқнашувда ҳам ҳамюртимиз ҳакамларнинг якдил қарорига мувофиқ 5:0 ҳисобида ғалаба қозонди ва навбатдаги босқичга йўл олди.

Бугунги кун дастуридан яна бир қатор боксчиларимизни жанги ўрин олган. Воқеалар ривожини бизда кузатиб боринг!