Балотеллига Бразилия клубидан таклиф бор, аммо у Европада қолмоқчи
У январгача кутади.
Бразилиянинг “Васко да Гама” клуби италиялик ҳужумчи Марио Балотеллини ўз сафига қўшиб олмоқчи.
Журналист Николо Скиранинг маълум қилишича, Рио-де-Жанейро шаҳри жамоаси 30 ёшли футболчига 2 йиллик шартнома таклиф қилмоқда. Балотелли эса музокараларни январдан кейин бошламоқчи. Боиси, у ҳамон Европа клубларидан таклиф тушишини кутмоқда.
Марио айни дамда эркин агент ҳисобланади. Унинг сўнгги жамоаси “Брешия” клуби бўлган эди.
Изоҳлар (0)