Бақоевсиз қолган "Сўғдиёна"нинг "Локомотив"га қарши статистикаси ёмон

“Локомотив”га қарши ўйин олдидан “Сўғдиёна”да бош мураббий ўзгарди. Улуғбек Бақоев истеъфога чиқарилди. Ўрнига Ёрқин Назаров вақтинчалик бош мураббий вазифасида ишга киришди ва унинг дебюти 25-турда “Локо” билан учрашувга тўғри келади.

Жиззахдаги баҳс олдидан статистика шуни кўрсатяптики, устунлик Суперлигада қолиш учун курашаётган “Локомотив” тарафида.

Мазкур тўқнашув жамоаларнинг ўзаро 30-ўйинига айланади. “Сўғдиёна” фақат 6 та ўйинда ғолиб чиққан. “Темирйўлчилар”нинг 18 та беллашувда қўли баланд келган. Яна 5 та учрашув дуранг билан якун топган.

“Сўғдиёна” рақиб дарвозасига 17 та гол урган ва ўз дарвозасидан 59 та гол ўтказган. Биринчи даврада Тошкентда ўтган ўйинда “Сўғдиёна” 1:0 ҳисобида ғолиб чиққан.